ADEL 2022|

ARTEDRAMA EUSKAL LABORATEGIA / TOPAKETAK.

ArteDrama Euskal Laborategia (ADEL), arte eszenikoetan euskaraz aritzen garenon topagunea da; aktore, zuzendari, antzerkigile zein antzerkizaleentzat urtero zabaltzen den gunea.

 

Euskal Herriko arte eszenikoetan murgilduta gaudenon arteko eztabaidak, jakintza eta elkartrukeak sustatzeko asmoarekin, astelehenetik larunbatera, 48 orduz guztira, 6 irakasleren tailerrak prestatu ditugu. Ikastaro guztiak euskaraz izango dira, eta matrikula 450 €koa (lotarako lekua eta otorduak barne).

 

Laborategi gisa jaiotako esperientzia honetara gonbidatuta zaude!

AURTENGO IRAKASLEAK

DESKARGAK. ADEL 2022.

- ADEL 2022. TXOSTENA.

AINHOA

ARTETXE.

ArteDramatikoaikasizuen “EstudioCorazza”eskolan, Madrilen. Zuzendaritza, gidoi eta clown-ean ere prestakuntza du. Azken urteotan hainbat serietan ikusi dugu “Hondar Ahoak” EITB, “Patria” HBO, “La línea invisible” Movistar edota “Pikuak”, haien artean.

Antzerkian egindako ibilbidea Javier Liñerak zuzendutako “Tratando de hacer una obra que cambie el mundo”, Pako Revueltasek zuzendutako “La maniobra Heimlich” edota Borja Ruiz-ek zuzendutako “Zer gertatu zitzaion Ana Garcíari?” antzezlanekin izan da besteak beste.

Bere azken lanen artean, “Maixabel” Iciar Bollaín-en filma eta orain biran jarraitzen duen “Winona eta Grace” antzezlana, Alex Gerediagak zuzenduta, ditugu.

JON ANDER URRESTI.

Filosofian graduatua eta DANTZERTI Bilboko arte eszenikoen goi mailako eskolan graduatua da. Kurtso osagarri ezberdin asko egiten ditu irakasle erreferenteekin: Vicente Fuentes, Andres Corchero, Roberta Carreri, Eugenio Barba, Fabio Mangolini, Francesco Carril, Chisato Ono, Alex Rigola, Andrea Gimenez... beste askoren artean. Egun proiektu artistiko- pedagogiko ezberdinetan murgilduta dago HORMAN POSTER kolektiboan, ANTIGONE antzezlanarekin biran dabiltza eta beste hainbat proiektu dituzte eskuartean etorkizunerako. Bere bakarkako lanarekin ere biran dabil Euskal Herrian zehar, “TRIBIZ, baserri galdue”.

Interprete moduan, Arriagako produkzioetan lan egin

du: “Madrigales” eta “FACES” ikuskizunetan, telesail eta laburmetraietan ere aritu da. Arrigurirekin lan dexente egin ditu. Hurrengo proiektua Artedrama antzerki konpainiarekin burutuko du.

LAURA PENAGOS.

Bogotako Teatro Libre Eskolan (Kolonbia) antzerkigintza graduko ikasketak egin zituen antzezle-sortzaile eta formatzailea. Workcenter Jerzy Grotowski &Thomas Richards- en Bartzelonako eta Pontederako (Italia) zentroetan osatu zuen bere trebakuntza. Cartagenako Bolibar Arte Ederrak eta Zientzia Unibertsitatean, Arte Dramatiko fakultatean antzezpen eta ahots irakasle gisa jardun zen. Geroago, Sabana Unibertsitatean (Bogota), Kazetaritza fakultatean ahozko adierazpen irakasle izan zen. Hemen, Euskal Herrian, zenbait gorputz eta ahots ikastaro eman ditu ADEL-en, M.A. Laborategian, Abarka Antzerki Taldean eta Goaz Antzerki Taldean, besteak beste. Gaur egun MANVCODIATA antzez- sorkuntza egitasmoaren barruan bere metodologia garatzen ari da, eta horren adierazgarri bat landuko du aurtengo ADEL- en edizioan.

EDURNE

AZKARATE.

Edurne Azkarate (Oion, 1993). Gaztela eta Leongo Arte Dramatiko Goi Maila Eskolan Testu Interpretazioan ikasketak amaitu zituenetik, Leticia Santafé, Gregorio Amicuzi edo Veronica Ronda bezalako maisuekin ikasten jarraitu du. TR Warszawa konpainiako TRansmisja eta GEN antzezlanetan parte hartu du Grzegorz Jarzynaren zuzendaritzapean. Artedrama, Dejabu eta Axut!-en Zaldi Urdina antzezlanean izan du antzokiko azken antzezpena.

Ikus-entzunezkoen esparruan, hainbat websail eta film laburretan parte hartu du, eta baita ETB1eko zenbait saio gidatu ere. Zinean berriz, Paul Urkijoren Irati filmean izango da estreinekoz.

Euskal Kulturgintzaren Transmisioa graduondoa eta Eszena Zuzendaritzan masterra burutu ostean, jada biran dagoen ALBUM zuzendu du Formol Laborategiaren babespean. Lankuk ekoitzitako eRRe bertso ikuskizunerako zuzendari lanak eginik, oholtzara bueltatuko da Metrokoadrokaren eskutik.

ANDER

LIPUS.

Markina-Xemein (1971). Madrilgo William Layton Antzerki Laborategian egin zituen lehen ikasketak. Bilbora itzulita, beste artista batzuekin batera Mina Espazioa eta Antzerkiola Imaginarioa sortu zituen. Antzerki antropologian aditua, zenbait ikastaro eta antzerki eskoletan irakasle izan da. 2007an ArteDrama arte eszenikoen plataforma sortu zuen, eta 2012an, proiektu pertsonalak bideratzeko, Huts Teatroa konpainia. Egun, maite duen antzerkia egiten jarraitzen du, zuzendari zein aktore lanetan.

ENEKO

GIL.

Hispaniar Filologian Lizentziatua. Dantza-arloan ikasketa ofizialik eduki ez arren hainbat maisu eta konpainietan osatu du bere formakuntza. Kukai Dantza Konpainiaren sorreratik bertako kidea da. Bertan Cesc Gelabert, La Intrusa Danza, Jone San Martín, Marcos Morau, Sharon Fridman etab. koreografoekin lan egiteko aukera izan du. Aldi berean, Mikel Aristegui, Asier Zabaleta, Myriam Pérez Cazabon, Koldo Arostegui eta beste hainbat

euskal koreograforekin lan egin du. 2009. urtean saritua izan zen Madrilgo Koregrafia lehiaketan eta Ipar Karolinako American Dance Festivalean eta New Yorkeko Movement Reserchen osatu zuen bere formakuntza nazioarteko hainbat koreografo eta maisurekin. Anakrusa Dantza Antzerki Taldea sortu zuen Iñigo Ortega aktorea eta Noemi Viana dantzariarekin batera. Azken urteotan besteak beste, Hika Teatroarekin (TONBOLA eta GAZTE) eta Oier Zuñigarekin (ERESIA) ari da lanean eta Hitzezko Hitzak Mugimenduan/Fuck you Bertin ikerketa-koreografikoa burutzen ari da. Udazkenetik aurrera Artedrama eta Axuten hurrengo proiektuan arituko da

IKASTAROAK ADEL  2022

ANDER LIPUS

(Ekin. 8 orduko ikastaroa).

Hitz bat, irudi bat, egoera bat, gai bat, objektu bat, espazio bat, esaldi bat, petsonaia bat, arketipo bat, jantzi bat ... eta inprobisatu! Tranpa, estrategia, jolasa, dantza, jokoa, erritmoa, irudimena ... eta sortu! Hutsetik abiatuta antzerkira hurbildu ... eta ekin

Gorputzari hitzegiten erakutsi. Lagunartean abestu. Begiak bete eta sorbalda bat bilatu. Maitemindu. Bide ertzean jarri eta traktoreak eta ziklistak pasatzen ikusi. Gauza humano zein inhumanoen inguruan hitz egin ordu luzez. Elkartu. Obra klasiko baten egokitzapen abangoardista ikusi. Oihu egin arima urratu arte. Botere harremanak aztertu. Norberak ere egin dezakeela sentitu. Egin. Erotismoaren jainkosa inbokatu. Herri txikiak oso bizirik daudela sentitu. Atera zure deabrua ta berarekin dantza egin.

 

Bizkaiko herrixka honetan dugun urteroko hitzordua iritsi da.

Ba al zatoz?

HISTORIKOA.

EDURNE AZKARATE

(Ahotsen askatasuna, gorputzen loturak. 8 orduko ikastaroa).

Entrenamendu saio hauetan ikasleek bi ardatz landuko dituzte.

Batetik, Linklater eta Alexander teknika psikosomatikoetan oinarritutako ariketak burutuko dituzte, euren gorputzaren ezagutza eta euren benetako ahots librearen bilaketan. Honen bitartez norberaren beharrak identifikatzen ikasiko dute eta baita beroketa ezberdinak diseinatzeko baliabideak lortu ere. Disziplina honi hasiera emango zaio, etorkizunean sakontzen jarraitu ahalko dutelarik.

Bestetik, koru lanean oinarritutako entrenamendu fisikoa eskainiko zaie. Gorputz organikoen arteko harremanean oinarritutako dinamika, teknika eta maisu ezberdinetatik ikasitako hautaketa izango da (Delcroze, Barba...). Hauek ezagunak izanagatik dira interesgarriak, disziplinak berbisitatzearen ahalmena eta zehaztasunaren indarra eta umiltasunaren balioa ikastarora ekarriz.

Ikastaroaren helburu nagusia aktore disponiblearen entrenamendurako erremintak eskuratzea izango da: norbanakotik izaki eszenikora.

ENEKO GIL

(Hitzak Mugimenduan. 8 orduko ikastaroa).

Goizero gorputza esnatu eta mugimendu-inprobisazioari beldurra kentzea izango da tailerraren helburu nagusia. Horretarako, batetik, gorputzaren kontzientzia osoa hartzen saiatuko gara oinarrizko hainbat pautetan jardunez: inguratzen gaituzten elementu/objektu/ xehetasunak, hustutasuna, inguratzen gaituen airearen kontzientzia, gorputzeko atalak, espazioan topatzen ditugun erritmoak, identifikazioa/imitazioa eta musikalitatea. Pauta guzti horietan aldi berean egotearen ezintasuna kontuan hartuta, batetik bestera jolasten ibiliko gara. Bestetik, HItzezko Hitzak Mugimenduan/Fuck You Bertin ikerketa-koreografikoan erabili ditudan hainbat ariketa frogatuko ditugu. Horretarako, parte-hartzaile bakoitzak maite ez duen/errefusa sorrarazten dion pertsonaia baten elkarrizketa bat hautatu beharko du audio formatuan lan-tresna gisa.

LAURA PENAGOS

(Energia-gunea, bulkada eta hedapena. Iraupena: 8 orduko ikastaroa).

Zure gorputza kontzientzia sortzaile eta eszenikoaren bide gisa landuko duzu zazpi energia- zentroren bidez. Energia-zentro horiek izaera ohiz kanpokora eta “sotilera” gidatuko zaituzte. Hedapena garatuko duzu arnasketa ariketa fisikoen, bihotz-erritmoaren, mugimenduaren aurkako indarren, fluxu energetikoaren eta gorputz-kontrasteen bidez, eta organismoaren hainbat zentrotan sortzen diren bulkadak aztertuko dituzu. Zure adierazpen-ahalmena integratzen ikasiko duzu.

JON ANDER URRESTI

(Zenbat behar dut?. 8 orduko ikastaroa).

Testu bat taularatu behar dugun aldiro, zirrikitu guztiak miatzen ditugu pertsonaia

edo egoera horren inguruan ahalik eta informazio gehien ateratzeko asmoz. Sarritan, aurkikuntza guzti hauek erakusteko nahi eta gogo eskuzabalak, testua eta testu honek dakarren akzioa ezkutatzen du. Honek aktorea jartzen du obraren gainetik eta ikusleak zailtasunak izan ditzake aktorearen bizkarretik haratago zerbait ikusteko. Ordu hauetan egingo den lanean, soberakinak kentzen saiatuko gara, lan libreago bat deskubritu nahian. Sortzea baino, kuriositatez deskubritzea interesgarriagoa izango denaren esperantzaz. *Testu bat ikasi beharko da.

AINHOA ARTETXE

(Pertsonaia eta eszenak lantzeko aktore teknikak. 8 orduko ikastaroa).

Aktore moduan irudimena, kontzentrazioa, sentiberatasuna, instintua, irekitasuna eta adierazpen-aukera berrietan sakontzeko eta indartzeko ariketa ezberdinak. Pertsonaiak sortu eta hauen gatazketara hurbiltzen saiatuko gara, etorkizunean suertatzen diren lan ezberdinetan eszenen konfliktuak plazer eta erraztasun gehiagorekin landu ahal izateko.

Artedrama. Arte Eszenikoen Plataforma.                                      Tel.: (+34) 615 77 95 11  .  (+34) 636 552 244

info@artedrama.com